"Biz Ermənistanla münasibətlərdə Azərbaycanla paralel siyasət aparacağıq". Bu bəyanatla Türkiyənin 24 telekanalına müsahibəsində bu ölkənin Baş naziri Rəcəb Tayyip Ərdoğan çıxış edib. Türkiyənin Azərbaycandakı səfirliyindən ANS-ə  verilən məlumata görə, o, Azərbaycanın maraqlarına zidd hərəkət etməyəcəklərini bildirib. "Bu günə qədər belə olub, bundan sonra da belə olacaq. Bu kursdan hər hansı yayınma ola bilməz", deyə Baş nazir qeyd edib./ANS TV/

Bakının Qaradağ rayonundan silah-sursat tapılıb. Daxili İşlər Nazirliyinin (DİN) mətbuat xidmətinin məlumatına görə, DİN Baş Cinayət-Axtarış İdarəsi, Qaradağ Rayon Polis İdarəsi və Ədliyyə Nazirliyi Penitensiar Xidməti əməkdaşlarının birgə keçirdikləri əməliyyat-axtarış tədbirləri nəticəsində A.İslamovun həyətyanı sahəsindən torpağa basdırılmış 1 ədəd «AK-74» silahı, 2 ədəd dövlət qeydiyyat nömrə nişanları, 8 ədəd güllə və 1 ədəd güllə darağı aşkar edilərək götürülüb. A.İslamov yanvarın 17-də narkotik vasitə ilə tutulub. /ANS