Bakının Qaradağ rayonundan silah-sursat tapılıb. Daxili İşlər Nazirliyinin (DİN) mətbuat xidmətinin məlumatına görə, DİN Baş Cinayət-Axtarış İdarəsi, Qaradağ Rayon Polis İdarəsi və Ədliyyə Nazirliyi Penitensiar Xidməti əməkdaşlarının birgə keçirdikləri əməliyyat-axtarış tədbirləri nəticəsində A.İslamovun həyətyanı sahəsindən torpağa basdırılmış 1 ədəd «AK-74» silahı, 2 ədəd dövlət qeydiyyat nömrə nişanları, 8 ədəd güllə və 1 ədəd güllə darağı aşkar edilərək götürülüb. A.İslamov yanvarın 17-də narkotik vasitə ilə tutulub. /ANS