Qarabaq

BARAK OBAMA İLHAM ƏLİYEVƏ TELEFONLA ZƏNG EDİB

semkir — Sun, 03 May 2009 16:05:30 GMT

ABŞ-ın prezidenti Türkiyə-Ermənistan münasibətləri ilə bağlı rəsmi Vaşinqtonun atdığı addımlar barədə danışıb. Azərbaycan prezidenti bu məsələ ilə əlaqədar rəsmi Bakının mövqeyini prezident Barak Obamaya çatdırıb
Press-az.com saytının verdiyi məlumata görə, Prezidentlər səmimi söhbət zamanı prezidentlər Azərbaycanla ABŞ arasında ikitərəfli münasibətlərin müxtəlif istiqamətlərdə uğurlu inkişafından məmnunluq ifadə ediblər. Dövlət başçıları Ermənistan-Azərbaycan Dağlıq Qarabağ münaqişəsinin nizama salınması, energetika sahəsində əməkdaşlıq və regional təhlükəsizliklə bağlı məsələləri müzakirə ediblər. ABŞ-ın prezidenti Türkiyə-Ermənistan münasibətləri ilə bağlı rəsmi Vaşinqtonun atdığı addımlar barədə danışıb. Azərbaycan prezidenti bu məsələ ilə əlaqədar rəsmi Bakının mövqeyini prezident Barak Obamaya çatdırıb. Telefon söhbəti zamanı qarşılıqlı maraq doğuran bir sıra digər məsələlər ətrafında da fikir mübadiləsi aparılıb.

Nizami gencevinin yazdigi (1139-1209)“XƏMSƏ”NİN NÜSXƏLƏRİ AZƏRBAYCANA GƏTİRİLƏCƏK

semkir — Sun, 03 May 2009 16:01:37 GMT

Dahi Nizami Gəncəvinin Avstriyada saxlanılan “Xəmsə”sinin nüsxələri Azərbaycana gətiriləcək. Artıq Mədəniyyət və Turizm nazirliyi bu ölkənin Milli Kitabxanasına müraciət də göndərib. Kitabxananın baş direktoru Yohanna Rahinger bildirib ki, Azərbaycanın 17 nadir incisindən biri olan “Xəmsə”də - “İsgəndərnamə” poemasının 2-ci hissəsi istisna olmaqla 5 poema tam təfsilatı ilə əks olunur və ölkə mədəniyyətini təbliğ edən bu əlyazma uzun illərdir burada qorunub saxlanılır.

Xəmsə”nin Avstriya Milli Kitabxanasında saxlanmasını Azərbaycanın bu ölkədəki səfirliyi aşkarlayıb. Mədəniyyət və incəsənətə daim böyük qayğı ilə yanaşan ümummilli lider Heydər Əliyev 2000-ci ildə Avstriyaya rəsmi səfər edən zaman əsərin bərpası barədə tapşırıq vermişdi. 2002-ci ildən bərpa olunan “Xəmsə”nin əlyazması əsasında hazırlanan multimedia diskinin təqdimatı ötən ilin aprelində keçirilib. Qeyd edək ki, bu 12-ci əsrin şerlər toplusu olan “Xəmsə”nin tam əlyazmasıdır. Əlyazmanın üzü 17-ci əsrdə Dust Məhəmməd ibn Dərviş Məhəmməd Dərəxtiçi tərəfindən köçürülüb. Mətn 15-ci əsrdə geniş yayılan yazı üslubu olan nəstəliq xətti ilə yazılıb. “Xəmsə”yə çəkilən ən ilkin miniatürlər də bu əsrə təsadüf edir. Hekayələr Şiraz və Heratdan olan rəssamlar tərəfindən bəzədilib. Hazırda dahi Nizaminin “Xəmsə”si Avstriya Kitabxanasının “Azərbaycan əlyazmaları” sərgisində nümayiş etdirilir. Yeri gəlmişkən, kitabxanada Nizami ilə yanaşı Məhəmməd Füzuli, Xəqani Şirvani, Saib Təbrizi, Mahmud Şəbüstərinin əsərlərinin əlyazmaları da xüsusi şəraitdə mühafizə olunur.

Azərbaycanda Neft Akademiyasına hücumda ölənləri anma mərasimi, 1 may 2009Ölənlərin aillərinə və yaralanlara birdəfəlik maddi yardım edildi

semkir — Sun, 03 May 2009 15:49:21 GMT

Aldiqimiz son məlumata görə,Prezident İlham Əliyev aprelin 30-da Azərbaycan Dövlət Neft Akademiyasında baş vermiş faciəli hadisə nəticəsində həlak olanların ailələrinə və ağır xəsarət alanlara birdəfəlik maddi yardım göstərilməsi barədə sərəncam imzalayıb. Sənədə əsasən həlak olanların ailələrinin hər birinə 30,0 min (otuz min), ağır xəsarət alanların hər birinə isə 15,0 min (on beş min) manat məbləğində birdəfəlik maddi yardım edilir.

Vəsait Prezidentin Ehtiyat Fondundan ayrılır

Sərəncam imzalandığı gündən qüvvəyə minir.

Aprelin 30-da Azərbaycan Dövlət Neft Akademiyasında baş vermiş faciəli hadisə nəticəsində 13 nəfər həlak olub, 13 nəfərsə yaralanıb. Ölənlər arasında hadisənin törədicisi hesab olunan Fərda Qədirov da var

18 APREL BEYNƏLXALQ ABİDƏLƏR VƏ TARİXİ YERLƏR GÜNÜDÜR

semkir — Fri, 17 Apr 2009 18:38:56 GMT

18 aprel beynəlxalq abidələr və tarixi yerlər günüdür. 1993-cü ildən YUNESKO-nun təşəbbüsü ilə keçirilən bu gün Azərbaycanda da geniş miqyasda qeyd olunur.Məqsəd qloballaşan dünyamızda ictimaiyyətin mədəni irsə daha çox diqqət ayırmasına yardımçı olmaqdır. Çünki dünyanın hər yerində tarixi keçmişə münasibət birmənalı deyil. Bəzi ölkələrdə mədəni irsə vandal münasibət var. Buna əyani misal olaraq Ermənistanı göstərmək olar. Əsrlər boyu qədim Azərbaycan torpaqlarını müxtəlif yollarla zəbt edərək milli mədəni irsimizə ağır zərbələr vurub. Son 20 ildə isə erməni millətçilərinin barbarlığı daha geniş vüsət alıb. Erməni silahlı qüvvələri işğal etdikləri Dağlıq Qarabağ və ətraf rayonlarda 745 tarixi abidəni məhv edib ki, bunun da 13-ü dünya mədəni irsinin ən nadir nümunələrindəndir. Çox təəssüf ki, Ermənistanın bu vandalizmi dünya sivilizasiyasının gözü qarşısında baş verir. Bu mənada abidələr və tarixi yerlər gününün keçirilməsinin böyük əhəmiyyəti var. Azərbaycanda da ənənəvi olaraq aprelin 18-də muzeylər, tarixi yerlər və qoruqlarda açıq qapı günü keçirilir.
Respublikamızın ərazisində 6308 daşınmaz tarixi və mədəniyyət abidələri var. Bunun da 2034-ü respublika, 65-i isə dünya əhəmiyyətlidir. Son illər Regionların sosial-iqtisad inkişafı Dövlət proqramı çərçivəsində və H.Əliyev fondunun dəstəyi ilə bu abidələrin böyük əksəriyyətində əsaslı təmir işləri aparılıb. Əvvəlki görkəmi bərpa olunan milli mədəni irsimizin nadir nümunələri xalqımızın və xarici turistlərin istifadəsinə verilib.

HİTLERƏ MƏXSUS 13 RƏSM ƏSƏRİ HƏRRACA ÇIXARILACAQ

semkir — Fri, 17 Apr 2009 18:33:49 GMT

Böyük Britaniyanın Şropşir qraflığında Adolf Hitlerə məxsus 13 rəsm əsəri hərraca çıxarılacaq. Bəzi mütəxəssislər onun bu rəsm əsərlərinin müəllifi olmasına şübhə ilə yanaşsa da, Hitlerin 21 əsəri 2007-ci ildə satışa çıxarılıb və 172 min dollar gəlir gətirib. Budəfəki hərracdan isə daha çox gəlir əldə ediləcəyi gözlənilir. Yeri gəlmişkən onu da qeyd edək ki, Hitler gənc yaşlarında Vyanada incəsənət məktəbinə sənədlərini versə də qəbul olunmayıb. Daha sonra orduya qatılaraq 1-ci dünya müharibəsində iştirak edib

PREZİDENT İ.ƏLİYEVİN RUSİYA FEDERASİYASININ PREZİDENTİ D.MEDVEDEVLƏ TƏKBƏTƏK GÖRÜŞÜ OLUB.

semkir — Fri, 17 Apr 2009 18:29:28 GMT

Aprelin 17-də Moskvada “Mayndorf” iqamətgahında Prezident İlham Əliyevin Rusiya Federasiyasının prezidenti Dmitriy Medvedevlə görüşü olub.
Prezident İ.Əliyevi “Mayndorf” iqamətgahı qarşısında Rusiya prezidenti Dmitriy Medvedev qarşılayıb. Sonra dövlət başçılarının təkbətək görüşü olub.

ALMANIYADA YASASYAN SOYDASLARIMIZIN ETIRAZ AKSIYASI

semkir — Thu, 09 Apr 2009 12:03:29 GMT

Almaniyada yaşayan Azərbaycanlılar Türkiyə-Ermənistanla sərhədlərin açılmsı ilə bağlı etiraz bəyanatı veriblər

“Almaniyada yaşayan azərbaycanlılar son vaxtlarda Türkiyə ilə Ermənistan arasındakı sərhədlərin açılmsı ətrafında gedən söhbətlərdən narahatlıq keçirirlər“. Bu barədə Almaniyadakı Azərbaycanlıların Koordinasiya Mərkəzinin (AAKM) bəyanatında bildirilir. Azərbaycanın Diasporla İş üzrə Dövlət Komitəsinin mıətbuat xidmətindən verilən məlumata görə, sənəddə deyilir ki, tarixi köklərlə bir-birinə sıx bağlı olan iki qardaş ölkənin münasibətlərində belə bir məqamın ortaya çıxması azərbaycanlıları mənəvi cəhətdən gözlənilməz fakt qarşısında qoyub: „Qarabağ münaqişənin ilk günündən Tükiyə qardaş bir ölkə kimi Azərbaycanın yanında olub və bütün məsələlərdə dövlətimizi dəstəkləyib, Ermənistanla bütün əlaqələrini kəsib, Azərbaycanın işğal altında olan torpaqları azad edilməyincə bu dövlətlə əlaqələrinin bərpa edilməsinin mümkünsüzlüyünü dəfələrlə bəyan edib. Belə bəyanatdan imtina edilməsi Azərbaycan xalqını haqlı narahat edir və bu cür addımlar Türkiyə-Azərbaycan münasibətlərinə zərbə kimi qiymətləndirilir“.
AAKM bildirir ki, Azərbaycanın Qarabağ münaqişəsinin həllində ən çox ümid bəslədiyi qardaş dövlətin dəstəyinin hətta kənar təzyiqlər sayəsində də olsa, aradan qalxması bu məsələnin həllinə mənfi təsir göstərə bilər.

Turkiyeyle Ermenistan serhedi meselesi

semkir — Thu, 09 Apr 2009 11:09:47 GMT

Rəcəb Tayyib Ərdoğan mövzuya aydınlıq gətirdi

"Konkret olaraq deyirəm ki, Azərbaycan və Ermənistan arasındakı Dağlıq Qarabağ münaqişəsi həll edilmədən Türkiyə ilə Ermənisran arasındakı dialoqun bərpası çətindir. Hazırda texniki baxımdan bəzi görüşlər keçirilir, və müzakirəlr aparılırsa bunun məqsədi də Azərbaycan - Ermənistan arasındakı prosesin biraz da önündən gedərək hazırlıqlar etməkdir". Bu sözləri Türkiyənin baş naziri Rəcəb Tayyib Ərdoğan jurnalistlərin "Ermənistanla aparılan danışıqlar Azərbaycan prezidenti İlham Əliyevi narahat edirmi" sualını cavab verərkən deyib. Ərdoğan Ermənistanla aparılan danışıqların hazırlıq xarakteri daşıdığını və regiondakı problemlərin həllində Dağlıq Qarabağ münaqişəsininin əsas faktor olduğunu deyib.

"Əvvalə BMT Təhlükəsizlik Şurasının Dağlıq Qarabağda Ermənistanı işğalçı olaraq görməsi və oranı tərk etməyə səsləmə qərarı var. Minsk Qrupu olan ABŞ, Fransa və Rusiyanın 17 ildir həll edə bilmədiyi bir proses var. Bunu yaxından izləyərək bu üç ölkə bu işin öhdəsində gəlməlidir. Ancaq təəssüf ki, indiyədək yerinə yetirə bilməyiblər".

Rəcəb Tayyib Ərdoğan Türkiyə tərəfindən təklif olunan Qafqazda sülh və əməkdaşlıq platformasına da toxunaraq bildirib ki, məqsəd ilk öncə Ərmənistanla Azərbaycan arasında olan münaqişəni həll etmək daha sonra Türkiyə ilə Ermənistan arasındakı problemləri aradan qaldırmaqdır. Erdoğan, danışıqların fərqli yozulduğunu və bundan Türkiyə müxalifətinin də öz xeyrinə istifadə edərək hakimiyyətə böhtan atdığını deyib. O Qarabağ münaqişəsi həllini tapmayıncayadək sərhədlərin açılmasının mümkün olmadığını vurğulayıb.

Ermənistanın Azərbaycanla problemləri həll edilmincəyəcək bizim hər hansı bir addım atmamız mümkün deyil. Ya bunların qulaqları eşitmir, və ya da iftira kampaniyası üzərində iftiralarına davam edirlər. Onlar nə deyirsə desin, biz öz bildiyimizi edəcəyik".

MICROSOFT SIRKETININ BANISI BILL QEYTS DUNYANIN EN VARLI INSANI TITULUNU OZUNE QAYTARIB

semkir — Mon, 16 Mar 2009 16:26:18 GMT

12 March, 2009 06:27:00

Şrift ölçüsü:

Bill Qeyts

Jurnalın siyahısında 793 milyarder qeydə alınıb.

Bill Qeyts "Forbes" jurnalının hər il tərtib etdiyi dünyanın varlı adamları siyahısının başında dayanır. Jurnalın hesablamalarına görə bu il Qeytsin varidatı 40 milyard dollar dəyərindədir. Bu da onun keçən il qeydə alınan göstəricisindən 18 milyard dollar azdır. Siyahının ikinci pilləsində Amerikalı maliyyəçi Uorren Baffet dayanır. Onun varidatı 25 milyard dollar azalıb. Son nəticəyə görə onun 37 milyard dollarlıq əmlakı var. Üçüncü yerdə isə Meksikalı tibb maqnatı Karlos Slim qərarlaşıb. Onun varidatı 35 milyard dollar həcmində qiymətləndirilir. Qeyd edək ki, 2003 cü ildən bəri "Forbes"in siyahısında milyardelərin sayı ilk dəfədir ki, azalıb. Hazırda Jurnal yer üzündə 793 milyarderi öz siyahısına salıb. Ötən il bu rəqəm 1125 nəfər idi. Eyni zamanda dünya milyarderlərinin varidiatlarının toplam həcmi 2008 ci ildə 4,4 trilyondan 2,4 trilyona düşüb. Ən çox milyarder Nyu Yorkda qeydə alınıb- 55 nəfər.

KOSMOSDAN SOK SIQNAL

semkir — Fri, 13 Mar 2009 20:56:00 GMT

Bir neçə il əvvəl Milli Kosmik Aeronavtika İdarəsində (NASA) “Tam məxfi” qrifi altında sensasiyalı bir məlumat saxlanırdı. 1973-cü ilin avqust ayının 9-da “Skayleb-2” kosmik gəmisinin bortundan ötürülən xəbər ABŞ-ın Kosmik Tədqiqatlar Laboratoriyasının bütün əməkdaşlarını heyrətə saldı. Məlumatda deyilirdi: “Cəhənnəm Günəşin ortasında yerləşir. Biz ölülərin necə yandığını görürük. Biz cəhənnəmi görürük”. Əlaqə bir neçə saniyəliyinə kəsildi, sonra isə Yerin göydəki qasidləri kosmik məkandan uçuş üçün çox adi olan məlumatlar ötürməyə başladılar – bundan əvvəlki heyrətamiz xəbər isə elə bil heç olmamışdı. Cəhənnəm NASA mütəxəssisləri düz 16 il bu xəbər haqda yayılan bütün söz-söhbətləri təkzib etdilər. Amma 1985-ci ildə Amerikada nəşr olunan “Bəşəri elm” jurnalı bu sirrin pərdəsini qaldırdı. “Skayleb-2” kosmik gəmisindəki heyətin ötürdüyü xəbər dərc olundu və insanları dəhşətə gətirdi. 1978-ci ilin avqustunda kosmik gəmidə fəzaya qalxan astronavtlar fotoplyonkadakı dəyişiklikləri qeydə alan spektrohelioqrafın köməyi ilə günəş şüalarını tədqiq etməyə başladılar. Bu müşahidə zamanı səmada çox güclü bir partlayış baş verdi. Od kürəsinin dərinliyindən 800 min kilometr yuxarıya doğru helium sütunu qalxdı. Və sonra qatı qaz axını gördüklərindən dəhşətə gəlmiş seyrçilərin gözü qarşısında qəfil dondu. Düz 70 saniyə kosmik qurğu fəzadakı dəhşətli görüntünü qeydə alırdı: bu odlu sütunda əbədi alovun işgəncə verdiyi yüz minlərlə əzablı insan üzü peyda oldu. Əvvəlcə astronavtlar fikirləşdilər ki, bu sadəcə qarabasmadı, amma insan üzləri o qədər dəqiq görünürdü ki... Astronavtlar ateistlərin mövcudluğuna inanmadıqları şeyi – cəhənnəmi görürdülər! Jurnalın iddiasına görə, hazırda amerikalıların əldə etdikləri məlumat diqqətlə tədqiq olunur. Məhşər Bu sensasiyalı xəbərin üstündən doqquz il keçəndən sonra Amerika nəşrləri oxuculara daha bir möcüzəli hadisədən xəbər verdilər. Xüsusi hazırlanmış qurğudan və infraqırmızı şüa vaxtı müşahidə imkanı verən teleskopdan istifadə edən NASA tədqiqatçıları fotoplyonkaya qəribə qeyd edə bilmişdilər: açıq kosmosda ölmüş adamların və heyvanların ruhları buxarlanırdı. Bu hadisə Kilsə xadimləri və parapsixoloqlar arasında ciddi fikir ayrılığına səbəb oldu. Amma onların ortaq məxrəcə gəldiyi bir fikir vardı: fotolar həqiqət idi! Rəsmi ekspertlər komissiyasının üzvlərindən biri dedi: “Biz ruhların mövcud olmasını çoxdan bilirik. Hələ 1993-cü ilin mayında biz “Xabl” teleskopunun köməyi ilə bu varlıqları görmüşük…” Amma NASA rəhbərliyi və hökumət bu qərara gəldi ki, işıqlı insan şəkilləri olan bu fotoları əsaslı izah tapana qədər insanlardan gizlətsinlər. Məchulluğun ilk fotolarını alimlər hələ Günəşin Neptuna təsirini öyrənəndə əldə etmişdilər. Fotolarda minlərlə işıqlı insan bədəninin dəqiq cizgiləri vardı. Elm xadimlərinin bu mövzudakı fikirləri birmənalı deyildi. İspan teoloqu Pedro Qarsiya belə fikirləşirdi ki: “Kainatın bu hissəsində məhşər yerləşir. Yəni cəhənnəmlə cənnətin arası buradadır. Ölənlərin ruhları burada Yer üzündəki əməllərinə görə sorğu-sual olunacaq günü gözləyirlər”. Adının gizli qalmasını istəyən digər məşhur amerikalı fizik deyirdi: “Bu insan şəkilləri elektrik impulslarının nəticəsidir – başlanğıcı və sonu olmayan həyatın əsl mahiyyətidir. İnsan öləndə onun bədənindəki elektrik kosmosa qalxır. Vəssalam”. Yadplanetlilərin sivilizasiyası barədə 11 kitabın müəllifi olan doktor Alan de Volter bu qərara gəldi ki, fotolarda görünənlər Yerə dəxli olmayan varlıqlardır. Fikirlərin müxtəlifliyinə baxmayaraq, bir şey dəqiq məlumdur – bəşəriyyətlə bağlı gizlinlərə daha bir sirr əlavə olundu. Bu məsələ barədə NASA nümayəndəsi deyir: “Bu sirin açılması üçün gərgin iş gedir, böyük vəsait xərclənir”. Ola bilər ki, yaxın gələcəkdə bizim planetin sakinləri ən qeyri-adi nəticələrlə tanış olsunlar, amma çox da ümidvar olmağa dəyməz. Məlumdu axı, hərbçilər sirr qorumağı bacarır 28 il kosmosda NASA cənnət axtarışına çıxardığı başqa bir kosmonavt barədə məlumata da münasibət bildirmir. Sən demə, amerikalı astronavt Çarlz Hinson düz 28 il kosmosda qalıb! NASA-nın qeyri-rəsmi əməkdaşları iddia edirlər ki, belə bir məlumatdan söhbət gedə bilməz. Təşkilatın rəsmi nümayəndəsi isə bunu deyir: “Kosmik gəminin komandiri Çarlz Hinsonla əlaqəni biz startdan 3 saat 58 dəqiqə keçəndən sonra itirdik. Tapşırıq gizli olduğu üçün biz ictimaiyyətə bu barədə açıqlama verə bilməzdik. Sənədlərdə Çarlz Hinson itkin düşmüş şəxsdir. Bu, 1991-ci il mart ayının 26-a qədər belə idi…” Həmin yaz günü, astronavtın kosmosda yoxa çıxmağından düz 28 il sonra Amerika hərbi-dəniz hissəsi Ç.Hinsonun radioqramını qəbul etdi. Bu hadisədən sonra astronavt okeanda, “Cemini” kapsulunun bortunda tapıldı. Sual yaranır – yanında yemək, su, yanacaq ehtiyatı olmayan astronavt kosmik ənginlikdə necə sağ qala bilər? Belə bir şey hansısa “möcüzəli2 qüvvələrin köməyi olmadan mümkün deyil. Bu sirli məsələ barədə NASA-nın heç bir rəsmi açıqlaması yoxdur. Astronavtın olduğu kosmik gəmini fəzaya hərbçilər buraxıb, buna görə hər şey sirr pərdəsinə bürünüb. Bu hadisəyə dəxli olan bütün sənədlər arxivlə birlikdə yoxa çıxıb. Hətta yaşlı əməkdaşların onu şəxsən tanıdıqlarına baxmayaraq, Hinsonun NASA-nın əməkdaşı olduğu barədə rəsmi sənəd belə yoxdur. Çarlz Hinson karantini Kaliforniyadakı Edvards aviabazasında keçib. Astronavt və “Cemini” diqqətdə tədqiq olunub. Məxsusi bu məsələ üçün təşkil olunmuş psixoanalitiklər qrupu Hinsondan onun fantastik səfəri barədə məlumat almağa çalışıb. NASA-nın rəsmi nümayəndəsi müxbirlərə Hinsonun fiziki cəhətdən özünü çox yaxşı hiss etdiyini, amma psixoloji orientiri itirdiyini deyib: “O, xeyli müddətdir ki, Yerdə keçirmədiyi zamanların hesabatını verə bilmir. Astronavtın psixoloji vəziyyətinə baxanda hər şeyin yaxşılığa doğru dəyişəcəyinə ümid etmək qalır. Onun sözlərini bir-biri ilə əlaqələndirmək mümkün deyil. Bu qədər vaxtı harada keçirməsi, kosmos sakinləri və ya hansısa qeyri-adi qüvvələrlə əlaqədə olduğu ilə bağlı suallara Hinson bircə cavab verir: “Bir də heç vaxt!... Siz başa düşməlisiniz!.. Onlar bizim düşmənimizdir!” başqa suallar isə onda isterika yaradır, o ağlayıb, özündən gedir”. Məşhur polyak cadugəri Kşiştof Bullışko o vaxt kütləvi informasiya vasitələrinə xəbər vermişdi ki, astronavt tezliklə danışacaq və onun dedikləri hamını şoka salacaq. Əbədi sükut Amma artıq xeyli müddət keçib. 28 il kosmosda qalan astronavt isə hələ də susur. Onun haqqında daha heç bir məlumat da yoxdur. Bəlkə də bu onun kosmosda cəhənnəmi və ya məhşəri tapması ilə bağlıdır? Ola bilər ki, Hinson cənnətə də gedib çıxsın. Bir halda ki, o Yer üzünə təzədən qayıda bilib… Amma o cənnət haradadır? Və əgər ora doğrudan da cənnətdirsə, astronavt niyə “Bir də heç vaxt!” deyirdi?..